Aceptar
Utilizamos cookies propias y de terceros para mejorar la experiencia de navegación y ofrecer contenidos y servicios de interés.
Al continuar con la navegación, entendemos que se acepta nuestra política de cookies.

Les nuestres güeles. Esposición de fotografía de la UP. Del 17 al 31 de mayu

Votos

(Total de votos recibidos 56)

(Puntuación 2,98)

lesnuestresgueles

Homenaxe a les nuestres güeles con esta esposición coleutiva del alumnáu de fotografía.

Esta esposición ye frutu del trabayu de los grupos de fotografía de la Universidá Popular coordinada pol so profesor Fernando González. Quier ser un homenaxe a les güeles, muyeres que lleven a recostines toda una vida de trabayu, crianza, aficiones... vivencies que se van acumulando nel tresfondu de la so mirada profunda. Pero tras les arrugues, si miramos con procuru, nun mos va costar ver a la neña que pervive en munches de elles y que sal faciendo rebalgos a la mínima ocasión.

Les güeles son muyeres que lleven tola vida trabayando, remuneraes o non, pero que tamién tienen aficiones. Con esta esposición queremos superar el estereotipu y llegar a la realidá de muyeres variopintes que conducen, lleen, faen deporte o falen tranquilamente nun bancu sentaes. Otra de les facetes desta muestra ye la parte emocional y familiar onde les güeles dexen ver los sentimientos cuando aparecen fios, fies, nietos y nietes o mascotes.

Los retratos de muyeres orgulloses de so vida son el alfa y el omega desta esposición que fai un percorríu per toles facetes de les vides de les nuestres güeles.

Podrá visitase na sala 3 del Centru de Cultura Antiguu Institutu nel horariu de apertura del centru.